Asia Oriental | |
---|---|
![]() | |
Situación | |
![]() | |
Tipu | rexón xeográfica |
Parte de | Asia |
Asitiáu en | mar de la China Meridional |
Coordenaes | 47°12′37″N 102°50′52″E / 47.2103°N 102.8478°E |
Datos | |
Superficie | 11 839 074 km² |
![]() |
Asia Oriental o Asia del Este ye una de les ventidós subrexones en que la ONX estrema'l mundu. Ta compuesta por cinco paísesː China, Mongolia, Corea del Norte, Corea del Sur y Xapón, amás de dos dependencies Ḥong Kong y Macáu, y un país ensin reconocer, República de China, más conocíu como Taiwán.[1][2] Tien 26 de les 100 mayores ciudaes del mundu: Cantón, Shanghai, Beixín, Tianjin, Xiamen, Chengdu, Hangzhou, Shantou, Wuhan, Shenyang, Chongqing, Nankín, Xi'an, Wenzhou, Qingdao, Harbin, Zhengzhou, Hefei, Dalian y Changsha, en China; Tokiu, Osaka y Nagoya, en Xapón; Seúl (Corea del Sur), Taipéi (Taiwán) y Hong Kong.
Llenda con Asia del Norte, al este col Mar Mariellu y Océanu Pacíficu, al sureste col Mar de la China Meridional, al sur con Sureste Asiáticu, al suroeste con Asia del Sur y al oeste con Asia Central. Con 1 620 807 000 hab. En 2013 ye la segunda rexón más poblada del continente —por detrás d'Asia del Sur— y con 12 millones de km², la segunda más estensa, por detrás d'Asia del Norte.[3]
Asia Oriental abarca a la población sinoparlante, xaponesa, coreana y mongola.[4][5][6][7]